വാനിലാടിയ കൊടിക്കുറകളോരോന്നും
മിച്ചം വെച്ചതോരോ കഥകള്‍.....ഇരുട്ട് മൂടിയ ദേശങ്ങള്‍ക്കൊരു
മിന്നാമിന്നി ,മെഴുകുതിരി,തീപ്പന്തം
ഒക്കെയും കൊടുത്തിരുന്ന കൊടിമരങ്ങള്‍,
സ്വാതന്ത്ര്യത്തിന്റെ അഭിമാനം....
ഞെരമ്പുകളില്‍ ചോര പായിച്ച
വിപ്പ്ലവ ചെങ്കൊടികള്‍,
സമത്വത്തിന്റെ പ്രതീക്ഷ....
മുരടിച്ച മനുഷ്യത്വത്തിന്റെ
കരിങ്കൊടികള്‍,
ഫാസിസത്തിന്റെ കൊലച്ചിരി....
മതം മയക്കിയ കറുപ്പിന്റെ
വെള്ളയും,കാവിയും,പച്ചയും
നിറക്കൊടികള്‍,
തീവ്രവാദത്തിന്റെ സ്വത്വം ...
നോക്കു...
തെരുവിലെ പട്ടിണിക്കാരന്‌
നാണം മറക്കുന്ന തുണികളാണീ
കൊടികളോരോന്നും ...
കൊടി വെറും തുണിയാകുന്നിവിടെ ...
No comments:
Post a Comment